12 Years a Slave(2013) မြန်မာစာတန်းထိုး
12 Years a Slave(2013) မြန်မာစာတန်းထိုး
---------------------
ကမ္ဘာပေါ်မှာ လုံးဝမပေါ်ပေါက်သင့်တဲ့
အင်မတန်မှ ထိတ်လန့် စက်ဆုပ်ဖွယ်ရာ
စနစ်တခု ပေါ်ပေါက်ခဲ့ဖူးပါသည်။
အဲဒါကတော့ ကျွန်စနစ်ပါ။
လူ့အခွင့်အရေးနဲ့ ဒီမိုကရေစီ အလံကို
အမြင့်ဆုံးလွှင်ထူနေတဲ့ အမေရိကန်ပြည်ထောင်စုမှာ
လွန်ခဲ့တဲ့ နှစ် ၁၀၀ ကျော်က အဲဒီစနစ်ကြီး
အားကောင်းမောင်းသန် ပေါ်ထွန်းခဲ့ဖူးပါသည်။
အမေရိကန်ပြည်ထောင်စုမှာ ကျွန်စနစ်ကို
ဖျက်သိမ်းမယ့် အေဘရာဟမ် လင်ကွန်း
သမတ မဖြစ်မီ ၈ နှစ်၊ ၉ နှစ်ခန့်မှာ
ကျွန်စနစ်ရဲ့ ကြောက်မက်ဖွယ်ရာ အဖြစ်အပျက်တွေကို ဖော်ပြထားတဲ့ စာအုပ် နှစ်အုပ်
ထွက်ရှိခဲ့ပါသည်။
Uncle Tom's Cabin -(1852) နဲ့
Twelve Years a Slave -(1853) တို့ ဖြစ်ကြပါသည်။
Uncle Tom's Cabin စာအုပ်ကို ဆရာကျော်လှိုင်ဦးက
"ဦးလေးတွမ်" အမည်နဲ့ မြန်မာဘာသာပြန်ခဲ့ပါသည်။
Twelve Years a Slave ကိုတော့ မြန်မာဘာသာပြန်မရှိဟုထင်ပါသည်။
Twelve Years a Slave စာအုပ်က
စိတ်ကူးယဉ်ဝတ္ထုမဟုတ်ပဲ
" ဆော်လမွန် နော့အက်ပ် " ဆိုတဲ့ လူတယောက်ရဲ့
ဖြစ်ရပ်မှန် ဇာတ်လမ်းတပုဒ်ဖြစ်ပါသည်။
" ဆော်လမွန် နော့အက်ပ်"
နယူးယောက်မြို့က လွတ်လပ်တဲ့ လူမည်းအမျိုးသားတယောက်။
သူဟာ ဇနီးသည်၊ သားတယောက်၊ သမီးတယောက်နဲ့ ဘဝအေးချမ်းစွာဖြတ်သန်းနေသူ။
သူဟာ တယောထိုးကောင်းတဲ့ ဂီတသမားတယောက်။
တနေ့မှာ ယဉ်ကျေးတဲ့ လူဖြူအမျိုးသားနှစ်ယောက်က
ဝါရှင်တန်ဒီစီက ဆပ်ကပ်ပြပွဲရုံတခုမှာ
အလုပ်လုပ်ဖို့ ဌါးရန်းခဲ့လို့ လိုက်ပါခဲ့ရာက ....
လူသားတို့ ဖန်တီးထားတဲ့ ငရဲခန်းကိုရောက်ခဲ့ရပါတော့သည်။
"ဆော်လမွန်နော့အက်ပ်" ဆိုသော လွတ်လပ်သောလူသားတယောက်မှသည်
"ပလတ်" ဟူသော ငရဲသားတယောက်ဖြစ်ခဲ့ရပုံ။
လူ့ငရဲမှာ ဘဝတူ ကျွန်တွေရဲ့ ငရဲခန်းနဲ့ သူ့ဖြတ်သန်းမှု ရုန်းကန်မှု။
စက်ဆုပ်ဖွယ် လူ့ငရဲကနေ သူ .....
မကြည့်ရသေးရင် ကြည့် ကြည့်ပါလို့ တိုက်တွန်းလိုက်ပါရစေ။
ကျနော့်ရဲ့ FB အကောင့်ကိုလည်း Add ထားပေးကြပါဦး။
https://www.facebook.com/channyeinmw
Telegram ကနေလည်း တင်ပေးထားပါတယ်။
ကျနော့်ရဲ့ Telegram Channel လေးကိုလည်း Join ထားပေးကြပါဦး။
အောက်မှာ မိမိတို့ အဆင်ပြေမယ့် ဒေါင်းလုတ်လင့် တွေကနေ
ကြည့်ရှုဒေါင်းယူနိုင်ပါတယ်။
