သွေးထိုးခြင်းနှင့် အစွဲ

Posted by ချမ်းငြိမ်း-မှော်ဝန်း on 6:55 AM with No comments


 သွေးထိုးခြင်းနှင့် အစွဲ

-----------------
"ဒီမိုကရေစီခေတ်မှာ မကျေနပ်ရင် ဝန်ကြီးချုပ်အိမ်ရှေ့မှာ သွားကော်ဆဲလို့ ရတယ်" ဟူ၍
ကြေးမုံ ဦးသောင်း ရဲ့ ဆောင်းပါးတပုဒ်ထဲမှာ
ဖတ်ဖူးပါသည်။
စစ်အုပ်စု အာဏာသိမ်းပြီးနောက်ပိုင်း
ကိုယ့်အိမ်ထဲ ကိုယ်နေရင်တောင် အပြစ်ရှိတယ်လို့
သူတို့ ထင်ရင် ထင်သလို သတ်မှတ်ကြသည်မှာ
ကနေ့ အချိန်ထိဖြစ်ပါသည်။
ကျနော်တို့ငယ်ငယ်ကတည်းက ကြားဖူးတာတခုရှိပါသည်။
BBC သွေးခွဲသည်၊
VOA သွေးထိုးသည်၊
RFA ဘာဖြစ်သည် ညာဖြစ်သည် စသည်တို့ ဖြစ်ပါသည်။
လွတ်လပ်စွာ ပြောဆိုရေးသားခွင့်ကို
သွေးထိုးသည်၊ သွေးခွဲသည် စသည်ဖြင့်
"ပရိုကရေးတိစ်" "စံ" မျိုးနဲ့ ကန့်သတ် ပိတ်ပင်ပါသည်။
"ပရိုကရေးတိစ်" စံ ဆိုတာက
ရှေးဂရိခေတ်က ဓါးပြကြီးတဦးရှိသည်။
သူ့အမည်က "ပရိုကရေးတိစ်"။
သူက ဖမ်းမိလာတဲ့သူတွေကို ထူးထူးဆန်းဆန်း
"စံ" တခုထား၍ နှိပ်စက်လေ့ရှိသည်။
ဖမ်းမိလာတဲ့သူတွေကို ကုတင်တခုပေါ် လှဲအိပ်ခိုင်းသည်။
ခုတင်ထက် အရပ်ရှည်သူကို ခြေထောက်ဖြတ်ပစ်သည်။
ခုတင်ထက် အရပ်နိမ့်သူကို ခြေထောက်ဆွဲဆန့်သည်" ဟူ၍။
သွေးထိုးသည်။ သွေးခွဲသည် စသည့်စကားလုံးများသည်။
လွတ်လပ်စွာ ပြောဆိုရေးသားခွင့်ကို
ဆိတ်သုဉ်းစေသော စစ်အုပ်စု၏ အနုလက်နက် တခုဟု ကျနော်သတ်မှတ်ပါသည်။
လူတော်တော်များများသည် ထိုအင်မတန်ကြောက်စရာကောင်းသော ရန်သူ့လက်နက်ကို
ညီညွတ်ရေးဟူသော အကြောင်းပြချက်ဖြင့်
ယူငင်သုံးစွဲနေကြပါသည်။
ရန်သူသုံးတုန်းက မတရားဟု သတ်မှတ်ထားလျှင်
မိမိသုံးလျှင်လည်း တရားသည်ဟု ဆိုနိုင်မည်လော။
အခုအချိန်မှာ ကျနော်တို့ ပြည်သူ့အစိုးရ
NUG ကို ကျနော်တို့ ကူညီဖို့ လိုသလို
ထင်မြင်ချက်တွေလည်း
ပေးခွင့်ရှိသည်ဟု ထင်ပါသည်။
ထိုသို့ မဟုတ်ဘဲ အားလုံးကောင်းပါသည်ခင်ဗျာ။
အားလုံးမှန်ပါသည် ခင်ဗျာ ပဲပြောရမယ်ဆိုရင်
ကျနော်တို့ လူနဲ့ မူကို "ဘူးလုံးနားမထွင်း" ဖြစ်လို့ပဲဟု ဆိုချင်ပါသည်။
ကျနော်တို့ဆီမှာ စစ်အုပ်စုအမွေပေးလိုက်တဲ့
အစွဲတွေမပြုတ်သေးဘူးလား။
ကျနော်တို့ လွယ်လွယ်လေး သွေးကွဲရအောင်
သူများပါးစပ်နဲ့ လမ်းဆုံးနေကြတဲ့သူတွေလား။
ကျနော်တို့ လိုချင်တာ ဘာလဲ။
02/03/2022
Categories: